Kthimi në shtëpi nga shkolla është një nga momentet më të mira për një fëmijë, mirëpo kjo lumturi zgjat pak kur ai do duhet që t’iu rikthehet detyrave. Kjo shërben edhe si një arsye për zënka mes prindërve dhe fëmijëve. Aq, sa ka raste kur prindërit detyrohen që të ulen së bashkë me djalin ose vajzën e tyre për të bërë detyrat, mirëpo ekspertët sugjerojnë se është gabim. Studimi në shtëpi është përgjegjësi e fëmijëve dhe nëse prindi “i rri te koka” atëherë kontribuon që fëmija të mos jetë i përgjegjshëm dhe as i pavarur.
Përcaktoni një hapësirë fikse, pa shumë shpërqendrime, bini dakord së bashku për një kohë të caktuar, pa pushime apo ndërprerje dhe sqaroni rolet: fëmija lexon ose bën detyra, prindi kontrollon ose në fund jep një zgjidhje për një problem të vështirë.
Klasa e parë, si çdo fillim, është gjysma e gjithçkaje. Është koha e duhur për t’i mësuar fëmijët se si të bëhen të përgjegjshëm dhe të pavarur. Mësoni pak nga pak se si duhet të përgatiten.Fillimisht përgatitjani ju çantënduke shpjeguar se si duhet të përshtatet çdo gjë. Më pas ndërroni rolet, ata përgatisin çantën dhe ju jini në rolin e shikuesit. Në fund, ata do të dinë se çfarë duhet të ketë në çantë dhe mund të marrin më lehtë përgjegjësinë. Le të mos jetë gjithçka perfekte. Besim, stabilitet, dhe qëndrueshmëri. Këta janë përbërësit bazë për një fëmijë të përgjegjshëm dhe të pavarur!
