Duke theksuar se nafta e sapo zbuluar pranë provincës Şırnak “ka një strukturë të cilësisë së lartë”, Erdogan tha se, “Turqia nuk do të varet më nga të tjerët në energji, por do të bëhet një eksportues i energjisë”
Presidenti i Türkiyes, Recep Tayyip Erdoğan, ka njoftuar një zbulim të ri të një rezerve të re të naftës në rajonin lindor të vendit, raporton Anadolu.
“Dëshiroj të ndaj disa lajme të reja të mira. Ne kemi zbuluar rezerva nafte me një kapacitet prodhimi prej 100 mijë fuçi në ditë në Cudi dhe Gabar,” tha presidenti Erdoğan në një ceremoni të hapjes së termocentralit diellor Karapınar dhe projekteve të tjera të sapo përfunduara në provincën qendrore të Konya.
Duke theksuar se nafta e sapo zbuluar pranë provincës Şırnak “ka një strukturë të cilësisë së lartë”, Erdoğan tha se, “Turqia nuk do të varet më nga të tjerët në energji, por do të bëhet një eksportues i energjisë”.
Ai njoftoi se nafta e zbuluar në një thellësi prej 2.600 metrash do të nxirret “me 100 puse dhe do të përmbushë një të dhjetën e përdorimit tonë të përditshëm”.
Erdoğan po ashtu njoftoi se pusi i naftës në Gabar mban emrin e një mësueseje të re të muzikës, Aybüke Yalçın, e cila u vra në një sulm terrorist të PKK-së në vitin 2017 në Türkiyen juglindore.
22-vjeçarja Yalçın iu nënshtrua plagëve të saj pas një sulmi që kishte objektiv makinën e kryebashkiakut të rajonit Kozluk në provincën Batman më 9 qershor të vitit 2017. Ajo po udhëtonte me një minibus që ishte pjesë e autokolonës.
“Fusha jonë e re, pusi Aybüke Yalçın, shpresojmë të sigurojë më shumë naftë sesa prodhohet në të gjithë vendin”, u shpreh Erdoğan.
Lidhur me centralin bërthamor Akkuyu, Erdoğan tha se vendi do të jetë në gjendje të plotësojë 10 për qind të nevojave të tij për energji nga centrali dhe njoftoi se një central i dytë bërthamor mund të ndërtohet në Sinop.
Duke u zotuar se do të heq terrorin nga agjenda e Turqisë, Erdoğan tha se vendi do të kapërcejë të gjitha pengesat që e pengojnë Türkiyen të vendosë pasuritë e vendit në dispozicion të kombit.
Në fushatën e saj terroriste mbi 35-vjeçare kundër Türkiyes, PKK-ja e listuar si një organizatë terroriste nga Türkiye, SHBA-ja dhe Bashkimi Evropian (BE), ka qenë përgjegjëse për vdekjen e mbi 40 mijë njerëzve, përfshirë gra, fëmijë dhe foshnje.
/aa/
