Kroacia nuk gabon në penallti ndaj Danimarkës, kualifikohet në çerekfinale të Botërorit ‘Rusia 2018’

0
41

Përfaqësuesja e Kroacisë fitoi në penallti (3-2) ndaj Danimarkës pasi koha e rregullt dhe vazhdimet përfunduan me rezultat 1-1.

Kështu kroatët u kualifikuan në çerekfinale të Kampionatit Botëror ‘Rusia 2018’.

Ndeshja filloi me golin e Mathias Jorgensen në minutën e parë, por përgjigjja e kroatëve ishte shumë e shpejtë.

Mario Mandzukic shënoi në minutën e katër duke barazuar kështu rezultatin.


Mario Mandzukic gjatë një aksioni
 (Foto: Getty Images)

Në vazhdim kroatët rrezikuan me anë të Ivan Rakitic (29′) dhe Dejan Lovren (39′), kurse danezët me Martin Braithwaite (27′) dhe Christian Eriksen (42′).

Pjesa e dytë ishte me pak shanse për gol dhe kështu rezultati mbeti i pandryshuar dhe skuadrat shkuan në vazhdime.

Thomas Delaney në tentim për të ndalur Luka Modricin (Foto: Getty Images)

Në vazhdime loja kryesisht u zhvillua në mesfushë dhe të dy skuadrat ishin të kujdesshme në fazën mbrojtëse, në përjashtim të minutës së 115-të ku Mathias Jorgensen rrëzoi në zonën e rreptësisë një lojtar kroat dhe kështu gjyqtari ndali lojën për penallti.

Kasper Schmeichel në momentin kur shënoi Mathias Jorgensen (Foto: Getty Images)

Por, nga pika e bardhë nuk arriti të shënojë Luka Modric pasi gjuajta e tij u ndal nga portieri Kasper Schmeichel dhe kështu fituesi u kërkua në penalltitë finale.

Në penallti fitoi Kroacia, ndërsa në çerekfinale kroatët do të luajnë ndaj Përfaqësueses së Rusisë që fitoi Spanjës në penallti.