“Unë shumicën e kohës e kaloj duke qëndruar ulur”, është një brengë tjetër shëndetësore nga e cila duhet të keni kujdes. Duke u ngritur në këmbë dhe lëvizur çdo gjysmë ore, mund t’i zhbëjë disa nga dëmet e tërë asaj kohe që e keni shpenzuar duke qëndruar ulur.
Këtë rekomandim e kanë japë hulumtuesit nga CUMC, në një letër të publikuar së fundmi në revistën “Annals of Internal Medicine”, transmeton Telegrafi.
Studimi i tyre ka zbuluar një lidhje të qartë mes shpenzimit të kohës duke qëndruar ulur dhe rritjes së rrezikut për vdekje të parakohshme. Dhe ky rrezik ka qëndruar thuajse i njëjtë, pavarësisht se sa shumë ushtrime fizike bëni.
Megjithatë, lajmi i mirë është se duke u ngritur në këmbë çdo gjysmë ore e zvogëlon atë rrezik për vdekje të parakohshme.
