12.8 C
Pristina
Saturday, April 20, 2024

Cila ishte doktoratura më e vjetër e dhënë në botë?

Më të lexuarat

Doktoratura më e vjetër e Mjekësisë dhe Mjekësisë Veterinare në botë është dhënë në vitin 1207 në Fez, të Marokut.
Dr. Junes Sherradi do të bëjë një zbulim mjaft të jashtëzakonshëm të asaj që duhet të jetë diploma më e vjetër mjekësore e regjistruar deri më sot, përfshirë gjitha qytetërimet.
Kjo diplomë (Ijaza) pranon se doktor Abdullah Ibn Salih Al Kutami kishte kërkuar licencën në fjalë nga “autoritetet e kualifikuara” të qytetit të Fezit. Diploma dëshmonte se Al Kutami kishte ekspertizën dhe njohuritë për të praktikuar mjekësinë, mjekësinë veterinare dhe farmacinë duke e përshkruar atë si një “njeri të ndershëm me karakter të mirë dhe pa histori kriminaliteti apo pabesie”.
Al Kutami mes tjerash njihej më tej si fetar” i cili “ishte i rregullt në pesë namazet e tij dhe dashamirës”, shkruan Junes Sherradi. Kjo diplomë iu dha atij si titull nderi në Universitetin Al Karaujine në vitin 1207 në prani të dy dishepujve të tij andaluzianë Ibn Al Bajtar dhe Ibn Rumija Al Nabati, pa dyshim si dëshmitarë me karakter të fortë. Këta të fundit do të bëhen më vonë botanistët më të rëndësishëm të shekullit të XIII, veçanërisht duke futur metodën empirike në farmakologji.
Diploma tregon disa nga kriteret e konsideruara për t’i dhënë këtë doktoraturë kandidatit. Kjo përfshin jo vetëm ekspertizën shkencore, por edhe relacionale dhe konsideratat fetare (etike), por edhe studimin e kërkimeve dhe veprave të shkruara nga shkencëtarët “Ulema” në të gjitha aspektet e mjekësisë, bimëve, kafshëve dhe shkencës botanike.
Në ceremoni morën pjesë edhe gjykatësi i Fezit, Muhamed Ibn Abdullah Tahër dhe dy dëshmitarë, Abdullah Ben Ali Sherradi dhe Suleiman Ben Idris, tregom Junes Sherradi.
Bazuar në certifikatën e Al Kutamit, Junes Sherradi deklaron se diploma e tij ishte vërtet një diplomë mjekësore. Duke cituar profesorin e kulturës mesjetare George Makdisi, doktori argumentoi se Ijazat atadris “ishte një lloj diplome apo doktorature”.
Të njëjtën ide konfirmoi edhe mësuesi arabishtes i viteve 1930, Alfred Guillaume, i cili e quajti Ijazan një “pararendës të licentia docendi”, duke mbështetur origjinën islame të “diplomës universitare”, përfundon i njëjti burim, sipas tij fjala. Baccalaureate vjen nga arabishtja “Bi Haqq Al Riwaya” një formulë e pranishme në disa diploma të qytetërimit islam.

Ekspertiza dhe njohuritë e tij në mjekësi, veterinari dhe farmaci janë njohur nga mjekët e referuar. Diploma e doktoraturës i lejoi Al Kutamit të ushtronte mjekësinë njerëzore dhe veterinare, duke u bërë studenti më i vjetër i njohur universitar deti më sot që merr një licencë të tillë.
Diploma është përshtatur në kuadër të Universitetit të Mjekësisë të Fez.

Rozart Dani Luksemburg 2022

- Advertisement -spot_img

Më tepër

Të fundit