Një sulm terrorist i planifikuar ka dështuar ditën e premte në vendin e shenjtë të myslimanëve në Meke. Një besimtar shqiptar që po qëndron këto ditë në Meke, për të bërë Umren tregon se ai lajmin për këtë sulm e ka marrë nga mediat dhe familjarët, ngase qetësia dhe siguria që mbretëron në këtë vend, nuk bënë të ndiesh kësi lloj frikash.
Allahu ia ka garantuar këtë qetësi Qabesë, prandaj edhe vërehet një qetësi e madhe në mesin e besimtarëve të shumtë, që për momentin janë prezent në këtë vend, që po presin për të falur namazin e Bajramit.
Atmosfera festive vërehet edhe në traditat profetike si dhënia e hurmave dhe ujit, për të treguar se tani më përfundoi muaji i agjërimit e sot bota Islame dhe muslimanët kanë festë.
Muezini i Qabesë herë pas herë bënë tekbire për të lajmëruar besimtarët se kjo kohë deri në lindjen e Diellit, duhet kaluar në tekbire.
Kjo është pamja madhështore nga Qabeja, drejtpërdrejt atmosfera:
https://www.youtube.com/watch?v=MKzm2iSTHt8
