Google ka prezantuar Handwrite

0
31

Google ka prezantuar funksionalitetin e ri për kërkimin e vet në pajisjet mobile, ashtu që mundëson kërkimin e ueb-përmbajtjeve duke përdorur njohjen e dorëshkrimit. Mundësia e re në smartphone kërkon minimum Android 2.3, në tabletë Android 4.0, ndërsa në pajisjet iOS minimum versionin 5.0 të sistemit operativ.

Funksionin duhet ta përfshijë në settings në faqen e Google Search dhe pas kësaj do të jetë e mundshme që me gisht ose me stylus të shkruhet në ekran, ndërsa Google dorëshkrimin do ta shndërrojë në tekst dhe term për kërkim. Edhe pse njohja dhe funksionaliteti punojnë mirë së bashku, përgjigja gjatë të shkruarit ka vonesë, çka edhe nuk është ndonjë përparësi në raport me futjen e termit përmes tastierës./koha/kohaislame