Fshati ku lindin pothuajse vetëm binjakë

0
48

Fshati i quajtur Kodinhi i cili ndodhet në Indi mban një mister prej shumë dekadash. Sipas “Dailygosip” në këtë zonë të thellë kanë lindur afërsisht 440 binjakë nga 670 familje.

Janë të shumtë ata mjekë të cilët po studiojnë rastin në fjalë por nuk kanë arritur në një përfundim.

Në këtë vend tropikal sipas statistikave numri i binjakëve është shume herë më shumë se mesatarja kombëtare. Ekspertët e fushës me në krye Dr.Krishnan Sribiju prej vitesh kanë nisur studimin duke bërë analizat dhe eksperimentet e ndryshme, por me sa duket ende nuk ka shpjegim për këtë mister në Kodinhi të Indisë. Nga viti 2009 e deri me sot raportohet se kanë lindur 60 çifte binjakësh, një shifër e cila po rritet çdo vit e me shumë.

Por gjatë studimeve mjeku Sribiju tregon se ka një mospërputhje mes lindjeve dhe regjistrimeve në gjendjen civile, e cila tregon se numri është akoma më i lartë. Edhe pse shkenca e ka quajtur një mister, banorët e këtij fshati shprehen të lumtur për fëmijët binjak, pasi pothuajse në çdo familje nëna e babai gëzon një çift fëmijësh binjakë./zhurnal/kohaislame