Në vijim do i paraqesim disa veprime të cilat ndihmojnë në forcimin e lidhjeve farefisnore dhe përmbushjen e detyrave tona ndaj tyre:
- Vizita e tyre në vendet e tyre, shtëpi, puntori, dyqan, etj.
- T’i thërrasësh te ti, te shtëpia, puntoria apo dyqani yt.
- Të interesohesh për ta edhe t’ua kesh gajle atyre, nëpërmjet telefonit, duke u dërgu selam, apo përdorë mënyra tjera të komunikimit.
- T’u japësh nga pasuria jote ose dhuratë atyre që s’kanë nevojë për ndihma ose sadaka atyre që kanë nevojë për ndihmë. Pejgamberi, ﷺ, thotë: “Sadakan që ja jep miskinit (nevojtarit) është sadaka, e atë që ja jep familjarit është dy gjëra, edhe sadaka edhe kujdes për lidhjen familjare”. (Nesaiu, sahih)
- Të respektosh të madhin (të vjetrin) e tyre dhe të mëshirosh të voglin e tyre.
- T’u japësh vendin që e meritojnë dhe të ngrisësh pozitën e tyre në familje.
- Të marrësh pjesë në gëzimet e tyre dhe t’ua urosh atë, dhe të marrësh pjesë në mërzitë e tyre dhe t’i ngushëllosh ata. Nëse njëri prej tyre martohet, apo shtohet me një fëmijë apo punësohet dikun, etj., ta ndash këtë gëzim me ata, duke u dhënë ndonjë dhuratë, apo duke i thirr në telefon për t’i uruar edhe për të treguar gëzimin tënd me këtë lajm të mirë, e nëse u vdes dikush apo u ndodh ndonjë fatkeqësi atëherë i ngushëllon apo mundohesh t’ua lehtësosh dhimbjen, duke i këshilluar që të bëjnë sabër dhe shpërblimin që e marrin sabërlitë dhe të shfaqësh edhe ti mërzinë tënde në lidhje me këtë që ka ndodhur.
- Të vizitosh të sëmurët e tyre.
- Të përcjellës xhenazet e tyre.
- T’u përgjigjesh thirrjeve të tyre, andaj nëse ta dërgojnë një ftesë mos mungo përveç se nga ndonjë arsye.
- Ke mendim të mirë ndaj tyre, mos bartë mllef e urretje kundër tyre, sepse nuk mund të bëhetë i pari i një populli ai që bartë mllef ndaj tyre.
- Pajtimi mes tyre kur të hidhërohen, apo kur dikush i prish raportet me tjerët, të ndërmarrësh veprime për pajtimin e tyre, të afrosh pikëpamjet e tyre mes tyre dhe të mundohesh t’i kthesh si kanë qenë përpara.
- Të lutesh për ta, e këtë mund të bëjë secili për secilin.
- T’i thërrasësh drejt udhëzimit, t’i urdhërosh në të mirë dhe t’i ndalosh nga e keqja me metoda të përshtatshme edhe frytëdhanëse.
