Një delegacion i lartë i Stejt Departamentit të ShBA-ve vizitoi vendin tonë dhe të mërkurën më 29.03.2023 u takua me përfaqësues të Rijasetit të Bashkësisë Fetare Islame , Mr. Mustafa Dautin, Drejtor i Zyrës për Marrëdhënie me Jashtë dhe z. Agron Vojnika, Udhëheqës i Sektorit për Informim Publik të BFI e RMV.
Në këtë takim u biseduan shumë çështje të rëndësishme për shoqërinë e vendit tonë, Bashkësinë Fetare Islame si dhe për rajonin. Ashtu si edhe në të kaluarën BFI mbetet e orientuar drejt principeve demokratike dhe inspiratave euroatlantike, duke qenë në shërbim të paqes, bashkëjetesës dhe respektimit të gjithë njerëzve pa dalim, besimit të tyre, nacionalitet apo ngjyrës, dhe gjithmonë në kundërshtim të dhunës, gjuhës së urrejtjes qoftë ajo e nxitur nga ekstremet fetare apo nacionaliste, kundër akteve terroriste dhe veprimeve që cenojnë paqen dhe bashkëjetesën në shoqëri.
Delegacioni amerikan udhëhiqej nga znj. SHANNA BATTEN AGUIRRE, Këshilltare e Lartë e Drejtësisë kundër Terrorizmit, Zyra e Programeve, Byroja e Kundër Terrorizmit, Departamenti i Shtetit të SHBA. Poashtu atë e shoqëronin z. JOE BALDUIN, Këshilltar Ligjor Rezident Rajonal për Kundërterrorizmin, Departamenti i Drejtësisë i SHBA-OPDA. Ai aktualisht po shërben si Këshilltar Ligjor Rezident Rajonal për Kundërterrorizmin në vendet e Shqipërisë, Kosovës dhe Maqedonisë së Veriut, për Zyrën e Departamentit të Drejtësisë të Departamentit të Drejtësisë për Zhvillimin, Asistencën dhe Trajnimin e Prokurorisë Jashtë shtetit (OPDAT). Detyrat e tij përfshijnë lehtësimin e kthimit të individëve (burra, gra dhe fëmijë) nga Siria; ofrimi i këshillave dhe lehtësimi i mbledhjes së provave në rastet e FTF dhe rastet e terrorizmit vendas; dhe hartimin dhe ofrimin e programeve për të ndërtuar kapacitetin e prokurorëve, gjyqtarëve dhe hetuesve për të trajtuar me sukses rastet e terrorizmit.
Z. ALLAN COLLINS Këshilltar i Lartë Korrektues në Drejtorinë për Ekzekutim të Sanksioneve të Republikës së Maqedonisë së Veriut. Allan trajnon dhe këshillon Drejtorin e DES, stafin e shtabit dhe udhëheqjen e objektit mbi praktikat më të mira të pranuara ndërkombëtarisht në operacionet e sistemit të korrigjimeve, menaxhimin dhe zhvillimin për operacionet e objektit dhe të provës/lirimit me kusht.
znj. MIA DIBENEDETTO, Specialiste e Punëve të Jashtme, Zyra e Programeve, Byroja e Kundër Terrorizmit, Departamenti Amerikan i Shtetit dhe
z. BILL SAGE, Këshilltar i Lartë, Departamenti Amerikan i Drejtësisë-ICITAP
Takimi u zhvillua në lokalet e Hotel Park në qendër të Shkupit, në një atmosferë të këndshme dhe miqësore.
