Me hafizin më të ri të Shkupit, hafiz Dijar Ibrahimi, biri i Ridvan Ibrahimit, kryetarë i komunës së Haraçinës, i cili brenda këtyre 5 ditëve lexoi tërë Kuranin para komisionit për verifikimin e hifzit pranë Myftinisë së Shkupit në përbërje të hafiz Xhemail Nuhiut, kryetarë i komisionit, hafiz Sadedin Sulejman, antari më i vjetër i komisionit dhe hafiz Xhelili nga Studeniçani. E bukura e këtij manifestimi ishte se hafiz Dijari është 9 vjeçar edhe për një kohë shumë të shkurtë e ka përfunduar hifzin e tani edhe e përfundoi mbrojtjen para komisionit.
Allahu e shpërbleftë hafiz AbdulKerimin për angazhimin dhe kontributin e tij për hafiz Dijarin edhe për hafizët tjerë! Allahu i dhashtë shëndet edhe shumë suksese me hafizlerët tjerë!
Allahu i shpërbleftë prindërit e hafiz Dijarit, Nanën dhe Babën por edhe gjyshërit nga dyja anët për angazhimin e madh të tyre për të arritur këtë qëllim!
Allahu i dhashtë shëndet hafiz Dijarit edhe suksese të mëdha në shërbim të Kuranit dhe Islamit!
Hoxhë Bekir Halimi
