Në pamjet e marra nga droni në rajon u reflektua ndihma e dhënë nga elementët e Komandës së Sigurisë Bregdetare turke si dhe qëndrimi jonjerëzor i elementëve grekë kundër emigrantëve të parregullt
Nëpërmjet mjeteve ajrore pa pilot (dron) u filmua ndërhyrja e elementëve të Sigurisë Bregdetare turke ndaj anijes së Sigurisë Bregdetare greke e cila ishte në përpjekje për të kthyer prapa në ujërat turke emigrantët e parregullt, raporton Anadolu Agency (AA).
Në pamjet e marra nga droni në rajon u reflektua ndihma e dhënë nga elementët e Komandës së Sigurisë Bregdetare turke si dhe qëndrimi jonjerëzor i elementëve grekë më 2 prill kundër emigrantëve të parregullt, përfshirë mes tyre edhe fëmijët.
Në regjistrim shihet se anija LS-70 e Sigurisë Bregdetare greke afrohet në mënyrë të rrezikshme dhe kthen prapa në ujërat turke me manovra të rrezikshme gomonen me grupin e përbërë nga 20-25 emigrantë të parregullt, përfshirë edhe fëmijë e cila ndodhej në veri të ishullit Lesbos.
Në vazhdim të pamjeve përfshihet edhe shpëtimi i emigrantëve të parregullt nga elementët e Sigurisë Bregdetare turke pasi elementët grekë u larguan nga gomonia e emigrantëve të parregullt me ardhjen e anijes që i përket Komandës së Sigurisë Bregdetare turke.
/aa/
