Pyetje: Cili është gjykimi për të huazuar ose dhënë hua dikujt para që i përkasin xhamisë, të cilat janë mbledhur për t’u shpenzuar për nevojat e xhamisë?
Përgjigje: Lavdëruar qoftë Allahu.
Paratë që mblidhen për t’u shpenzuar për xhamitë dhe për nevojat e tyre janë para që janë pjesë e një vakëfi dhe nuk lejohet që ai që është përgjegjës për to t’i huazojë për vete ose t’ia japë hua dikujt. Ai është i ngarkuar me këto para për t’i shpenzuar sipas qëllimit të atyre që i kanë dhuruar, që në këtë rast janë nevojat e xhamisë, dhe nuk lejohet që të veprojë me to në asnjë mënyrë tjetër.
Shejh Zakariya al-Ansari (Allahu e mëshiroftë) ka thënë:
“Ai që është përgjegjës për to nuk ka të drejtë të marrë asgjë nga prona që është dhënë si vakëf mbi bazën e përgjegjësisë, dhe nëse e bën këtë, atëherë ai është përgjegjës. … dhe nuk lejohet që ai ta huazojë, dmth., pronën e vakëfit. Kjo është si të huazosh pasurinë e një fëmije nën kujdesin tënd.”
Fund i citatit. Asna al-Mataalib fi Sharh Rawd al-Taalib, 2/472
Shejh Mansoor al-Bahooti (Allahu e mëshiroftë) ka thënë:
“Ai që jep një send për hua dikujt tjetër duhet të ketë autoritetin për ta dhuruar atë. Prandaj, kujdestari i një jetimi nuk mund të huazojë pronën e jetimit; e njëjta gjë vlen edhe për atë që është ngarkuar me një vakëf.”
Fund i citatit. Sharh Muntaha al-Iraadaat, 2/100
Pra, është e parashikuar që në rastin e dhënies së huasë, huadhënësi duhet të ketë autoritetin për të dhuruar atë që po huazon. Prandaj, nuk lejohet që kujdestari i një jetimi të huazojë nga prona e jetimit, dhe nuk lejohet që personi përgjegjës për një vakëf të huazojë nga prona e vakëfit, sepse ai nuk ka autoritet për ta bërë këtë.
Dhe Allahu e di më së miri.
Burimi: https://islamqa.info/en/answers/158131/it-is-not-permissible-to-dispose-of-wealth-given-as-a-waqf-for-the-mosque-by-lending-or-borrowing no
