Dërgimi i remitancave nga Gjermania në Kosovë është ndër pesë korridoret më pak të shtrenjta në rajonin e Evropës dhe Azisë Qendrore, sipas raportit të fundit të Bankës Botërore për Migracionin dhe Zhvillimin.
“Evropa dhe Azia Qendrore tani qëndron si rajoni i dytë më i shtrenjtë për dërgimin e remitancave pas Afrikës Sub-Sahariane. Kostoja më e lartë për dërgimin e remitancave është nga Turqia në Bullgari, ndërsa kostoja më e ulët për dërgimin e remitancave është nga Gjermania në Ukrainë”, thuhet në raportin e Bankës Botëtore.
Sipas raportit të BB-së, flukset e remitancave në Evropë dhe Azinë Qendrore vlerësohet të jenë rritur me 10.3% në 72 miliardë dollarë në vitin 2022./buletiniekonomik
