Një vajzë vetëm tetë vjeçe nga qyteti i Tiranës, i ka shkruar një letër për presidentin e Sirisë, Bashar al-Assad.
Ajo i ka kërkuar atij që të ndalojë luftën e padrejtë që po bëhet në Siri pasi ata që e pësojnë më shumë janë fëmijët si ajo vetë.
Ajo shprehet se fëmijët kanë të drejtën të jetojnë në paqe dhe se njerëzit nuk duhet të vriten por të jetojnë të lirë.
“Mos ua shkatërroni jetën atyre”, shprehet ajo në fund të letrës.
Nuk dihet nëse kjo letër do të bjerë ndonjëherë në dorë të presidentit të Sirisë, por të paktën kjo vogëlushe e bëri të sajën.
