Shoferët paguajnë146 milionë euro taksë qarkullimi, ndërkohë që rrugët po bëhen me pagesë

0
55

Monitor/Shqipëria ka nivelin e taksimit më të lartë në rajon për naftën, për rrjedhojë edhe çmimin më të lartë në tregjet e pakicës.

 

Shqiptarët paguajnë 146 milionë euro taksë qarkullimi ndërkohë që rrugët po bëhen me pagesë

 

Shqiptarët paguan nëpërmjet blerjes së naftës rreth 18.3 miliardë lekë ose 146 milionë euro taksa gjatë vitit të kaluar. Sipas të dhënave zyrtare nga Tatimet, të ardhurat tatimore nga Taksat e Qarkullimit dhe Karburantit, të cilat janë programuar 16.4 miliard lekë, janë arkëtuar 18.3 miliard lekë, me një tejkalim prej 1.9 miliard lekë ose 11.5% më shumë. Tejkalimi erdhi për shkak të çmimeve më të larta të naftës në tregjet ndërkombëtare dhe për rrjedhojë edhe në tregun vendas.

Taksa e qarkullimit, që vilet aktualisht në shitjen me pakicë të naftës në nivelin 32.4 lekë për litër me gjithë TVSH për çdo litër karburant dhe parimisht është vënë për të mbuluar shpenzimet e qeverisë për mirëmbajtjen e rrugëve. Taksa u është ngarkuar direkt përdorëseve të rrugëve, të cilët e paguajnë gjatë blerjes së karburantit.

Mirëpo të ardhurat nga taksa e qarkullimit janë disa herë më të larta se sa shpenzimet vjetore të qeverisë për mirëmbajtjen e rrugëve. Gjatë vitit 2018 u shpenzuan 1.5 miliardë lekë ose 12 milionë euro sipas të dhënave zyrtare nga Ministria e Infrastrukturës ose rreth 12 herë më pak se sa taksa e grumbulluar e qarkullimit.

Vitin e kaluar opinioni publik u përfshi në debatin se barra fiskale me destinacion mirëmbajtjen e rrugëve ishte e lartë, teksa qeveria po vjel taksa direkte në rrugët kombëtare, duke nisur me rrugën e Kombit dhe në plan janë dhe rrugë të tjera kombëtare.

Tatimi që parimisht ka për destinacion mirëmbajtjen e rrugëve dhe që paguhet nga përdoruesit e automjeteve te çmimi i karburantit kalon disa fish nevojat e mirëmbajtjes që kërkon infrastruktura rrugore.

Shqipëria ka nivelin e taksimit më të lartë në rajon për naftën, për rrjedhojë vendi ka edhe e çmimin më të lartë të produktit në tregjet e pakicës.

Struktura e të ardhurave tatimore tregon se, TVSH-ja vazhdon të jetë kontribuesi kryesor në të hyrat publike me 34% të të ardhurave tatimore. Tatimi mbi të ardhurat personale përbën 22 % të të ardhurave tatimore, Tatimi mbi fitimin zë 22 % të të ardhurave tatimore dhe Taksa e qarkullimit mbi karburantin zë 10% të të ardhurave tatimore.

Ish Ministri i Financave kishte Arben Ahmetaj kishte komentuar se Taksa e qarkullimit nuk shkon në destinacionin e përdorimit. Shkon për ndërtim rrugësh, shlyerjen e borxhit të trashëguar, për financimin e shëndetësisë dhe ndihmës ekonomike.

Shqiptarët më të diskriminuarit me taksat e rrugës dhe tatimin personal

 

  1. Shqiptarët paguan për blerjen e naftës 146 milionë euro taksa
  2. Nga Taksat e Qarkullimit dhe Karburantit janë programuar 16.4 miliard lekë dhe ndërkohë që janë arkëtuar 18.3 miliardë lekë me një tejkalim prej 11.5% më shumë
  3. Qeveria u merr qytetarëve 32.4 lekë për çdo litër karburant për mirëmbajtjen e rrugëve
  4. Gjatë vitit 2018 u shpenzuan 12 milionë euro ose rreth 12 herë më pak se sa taksa e grumbulluar e qarkullimit.
  5. TVSH-ja vazhdon të jetë kontribuesi kryesor në të hyrat publike me 34% të të ardhurave tatimore
  6. Tatimi mbi të ardhurat personale përbën 22 % të të ardhurave tatimore
  7. Tatimi mbi fitimin zë 22 % të të ardhurave tatimore
  8. Taksa e qarkullimit mbi karburantin zë 10% të të ardhurave tatimore