Një burrë mysliman, i cili u sulmuar nga një plaçkitës me thikë në një xhami, i ka përgatitur atij mëngjes për ta qetësuar dhe pastaj është ulur pranë tij për ta dëgjuar historinë e jetës së tij.
Ali Yassine, e kishte vërejtur Stefan Boyle, 28-vjeçar, duke u fshehur nën një tavolinë në një xhami në Dundrum, Dublin, ku i kishte kërkuar të largohej.
Por, Boyle i kishte sulmuar me thikë para se të tentonte të ikte nga dritarja, shkruan Irish Independent.
Yassine, i cili punon si kujdestar në xhami, në vetëmbrojte e kishte shqelmuar plaçkitësin dhe më pas i kishte thënë të qetësohej.
E pastaj ai i kishte përgatitur vezë dhe ishte ulur për ta dëgjuar historinë e tij prej të pastrehu dhe se si ai kishte qenë në burg disa herë dhe se kishte probleme me të dashurën.
Ai ka qenë 110 herë i dënuar, prej tyre 63 herë për plaçkitje.
