Kjo është një nga billbordet e shumtë të shpërndarë rrugëve të ndryshme të Anglisë, me thëniet apo hadithet e Profetit Muhamed alejhi selam
Në këtë billbord jepet një porosi për të ndihmuar ata që kanë nevojë, ku Profeti Muhamed ka thënë: “O ju njerëz, shpërndani paqe mes jush dhe ushqeni të uriturin”.
Ky është edhe një mesazh pozitiv, për të ndikuar edhe tek të tjerët që nuk janë musliman se është detyrë e të gjithëve për të shpërndarë paqe dhe për të ushqyer ata që janë të uritur. Këto mesazhe janë mirëpritur nga banorët dhe kjo nuk është hera e parë që ndodh diçka e tillë, ku më herët ishin porositë e Profetit Muhamed për të kursyer ujin e gjëra të ngjashme që ftojnë njerëzimin për të qenë më të mirë.
Edhe pse ka ngritje të madhe të Islamofobisë gjithë andej, mësimet e Profetit Muhamed promovojnë dashuri, mëshirë, respekt, edukatë për të gjithë njerëzimin./KohaIslame