Një burrë që besohet se kishte të veshur një rrip të mbushur me eksploziv është qëlluar nga forcat e rendit, derisa një shpërthim i fuqishëm është dëgjuar në stacionin hekurudhor në Bruksel, raporton Mirror.
Stacioni kryesor hekurudhor i qytetit dhe sheshi është evakuuar për shkaqe sigurie, pasi raportohet edhe për dy shpërthime tjera ku forca të shumta të ushtrisë “kanë qëlluar mbi personin që kishte veshur rripin me eksploziv”, transmeton Telegrafi.
Kamikazi i dyshuar raportohet se ka hedhur veten në erë, kurse burime brenda policisë bëjnë të ditur se sulmuesi ishte plagosur rëndë para se të intervenonte policia, dhe se ka vdekur si pasojë e plagëve të marra. /Telegrafi/
