HARAQIJA: PRESIDENTI RUGOVA U VARROS SI MYSLIMAN

Ish-ministri i Kulturës dhe njëri nga njerëzit e afërt të presidentit të ndjerë Ibrahim Rugova, ka mohuar kategorikisht se ish-presidenti ishte konvertuar në të krishterë.
Kështu, Haraqija ka mohuar një prej thashethemeve që ka përcjell njeriun më me ndikim në historinë e shtetit të Kosovës.
“Jo, jo edhe jo. Nuk është konvertu:”, ka thënë Haraqija në RTV Dukagjini.
Ai ka shtuar se duke qenë organizator i ceremonisë së varrimit të ish-presidentit, është kujdesur që varrosja të ndodhte sipas riteve të fesë islame.
“Kam shku te Rexhep Boja, ai gjallë është edhe e kam pyetur se si duhet me ba. Sidomos me pas kujdes që koka me qenë kah kibla”, ka treguar Haraqija. “Varri aty është, mund të shkoni dhe ta verifikoni”.