“Kam besim të plotë se edhe gjatë periudhës së detyrës tuaj marrëdhëniet miqësore në mes të Kosovës dhe Turqisë si dhe bashkëpunimet në mes të dy Qeverive do të thellohen edhe më tutje”, thuhet në urim
PRISHTINË (AA) – Kryeministri i Republikës së Kosovës, Ramush Haradinaj ka pranuar një urim nga kryministri i Republikës së Turqisë, Binali Yıldırım për marrjen e postit të kryeministrit, transmeton Anadolu Agency (AA).
Në një njoftim nga Zyra e Kryeministrit të Kosovës thuhet se në urimin e dërguar kryeministri i Turqisë, Yıldırım i uron postin e kryeministrit Haradinajt si dhe themelimin e qeverisë së re të Kosovës.
“Kam besim të plotë se edhe gjatë periudhës së detyrës tuaj marrëdhëniet miqësore në mes të Kosovës dhe Turqisë si dhe bashkëpunimet në mes të dy Qeverive do të thellohen edhe më tutje. Me këtë rast përsëris urimet e mia për shëndetin dhe lumturinë e shkëlqesisë tuaj si dhe mirëqenien e popullit mik dhe vëlla kosovar. Uroj që të ketë shumë sukses Qeveria juaj”, thuhet në urimin e kryministrit Yıldırım.
