Imami i xhamisë, Muhammet Rıfat Çinar tha se “Më shumë se 50 mijë vizitorë priten në Xhaminë e Tokios çdo vit”
Xhamia e Tokios në Japoni ka pritur më shumë se 50 mijë vizitorë nga komuniteti japonez, të cilët duan të njihen nga afër fenë islame.
Imami i Xhamisë së Tokios në krye të Kryesisë së Çështjeve Fetare (DIYANET), Kurra Hafiz Muhammet Rifat Çinar foli për Anadolu me rastin e Javës së Xhamive dhe Zyrtarëve Fetarë nga 1-7 tetori. Ai tha se ata në xhami pritën akademikë nga universitetet kryesore të vendit si Waseda, Keio dhe Meiji dhe i njoftuan ata me qytetërimin islam.
Duke thënë se studentët e masterit dhe doktoraturës drejtoheshin për të hulumtuar çështjet islame, imami i xhamisë deklaroi se kërkesat më intensive për takime për të vizituar xhaminë vijnë nga akademikët.
Kërkesa e lartë për intervista private
Imami Çinar tha se ai dha intervista të shumta për tema të tilla fetare si zekati, vëllazëria nga qumështi në Islam dhe divorci në Islam. Duke theksuar mungesën e burimeve mbi Islamin në mesin e botimeve lokale, Çinar tha se rreth 30 vepra referuese të botuara nga DIYANET-i në japonisht u shpërndanë në më shumë se 100 xhami në të gjithë Japoninë.
“Në Xhaminë e Tokios dera është e hapur çdo ditë. Numri i vizitorëve pa takim është rreth 300-400 personave gjatë ditëve të javës dhe rritet në mbi 1.000 në fundjavë për shkak të rritjes së aktiviteteve. Në këtë kontekst, besoj se janë mbi 50 mijë vizitorë në vit në xhaminë e Tokios, të cilët vijnë me dhe pa takim. Të paktën 3/4 e tyre janë japonezë”, tha ai.
Xhamia do të prezantohet në TV vendase
Japonezët, të cilët dhanë intervista duke dhënë mbiemrat e tyre në xhami, përcollën ndjenjat dhe mendimet e tyre për Xhaminë e Tokios, një nga vendet kryesore të adhurimit dhe kulturës islame. Transmetuesja televizive japoneze, Hashimoto njoftoi se preferojnë të vijnë në Xhaminë e Tokios me ekipin e xhirimeve për ta prezantuar qytetërimin Islam në shoqërinë japoneze.
Hashimoto, e cila filmoi brenda xhamisë teksa mbante shami, tha se dëshironte të mësonte detajet e mësimeve islame dhe se inçizimet do të transmetoheshin në një program televiziv kombëtar. Naito, një student i Departamentit të Ekonomisë në universitet, u shpreh se kishte kureshtje ta analizonte origjinalin e Kuranit të Shenjtë me rastin e vizitës së tij në xhami.
– Arkitekti japonez i cili e pranoi Islamin
Arkitekti japonez, i cili u bë musliman rreth një vit më parë dhe mori emrin “Islam”, tha se ka ardhur në xhami, e cila është tre minuta larg shtëpisë së tij, dhe e ka mësuar ezanin. Ai thotë se e ka lënë alkoolin dhe cigaren dhe ka konsumuar ushqim hallall vitin e fundit. Arkitekti Islam thekson se besimi i tij po përmirësohet dita ditës.
Organizatori indonezian, Diah tha se shihte japonezët që vijnë për të mësuar rreth Islamit në xhaminë që ai vizitonte sa herë që vinte në Tokio dhe se ishte i lumtur për këtë.
