Deputetët e opozitës janë larguar nga salla e gjykatës.
Arsyeja e largimit ishte vonesa e ardhjes së gjyqtarit të caktuar për të kryesuar mbajtjen e kësaj seance, raporton KTV.
Gjyqtarin Beqir Kalludra ata e pritën 15 minuta.
Jashtë kanë thënë se ata kanë thënë se nuk kanë problem me ligjin dhe procedurat, por sistemi i drejtësisë është selektiv dhe i papërgjegjshëm.
“Edhe herën e kaluar na është dashur të presim 1 orë, kjo është papërgjegjësi e tyre dhe 17 shkurti është afër, prandaj ne po largohemi sepse kemi shumë punë dhe nuk kemi kohë që të presim” , ka thënë Albulena Haxhiu për gazetaren e KTV-së.
“Drejtësia qëndron jo në qëndrimin neutral midis të drejtës dhe të gabuarës por në gjetjen e së drejtës dhe mbështetjen e saj kudo kundër të gabuarës. Ne kemi bërë atë që është detyrë, mbrojtëm Kushtetutën”, tha Donika Kada- Bujupi.
