Shpellat e kripës të vërshuara nga turistë vendas dhe të huaj
Qendra e Terapisë me Kripë, e cila u hap në Igdir të Turqisë në vitin 2022 dhe që ka pritur 310,000 vizitorë deri më sot, tërheq turistë edhe në muajt e dimrit.
Galeritë, të cilat u krijuan si rezultat i gërmimeve nga e kaluara e deri më sot në Malin e Kripur në rrethin e Tuzlës në Turqi, janë shndërruar në një qendër terapie me ndihmën e kripës.
Qendra e terapisë u vu në funksion pasi i dekoroi muret, tavanin dhe dyshemenë tërësisht nga kripa dhe filloi të priste një numër të madh vizitorësh.
Qendra, e cila u bë e njohur në të gjithë Turqinë në një kohë të shkurtër, vërshohet nga turistë vendas dhe të huaj që vijnë në rajon edhe në dimër.
Ndër ata që erdhën për të vizituar shpellën nëntokësore është edhe Lale Temelkuran nga Izmiri.
“Nuk e dija se ekzistonte një vend i tillë në vendin tonë. Është e pabesueshme që një qytetërim krijoi diçka të tillë këtu dhe ekziston ende. Mendoj se është një vend që bota duhet ta shohë,” tha Lale.
Selma Yuksel erdhi për të vizituar atë zonë me miqtë e saj.
“Nuk mund ta shpjegoj ndjesinë që po përjetojmë këtu tani. Ne kemi hyrë në një botë krejtësisht tjetër,” shtoi Yuksel. /tesheshi.com/
