Përbërësit:
9 filxhan kafeje ujë
1 filxhan vaj
një majë thike kripë
7 filxhan kafe miell
3 filxhan niseshte
1 pluhur paste
6 kokrra vezë
1 litër vaj
Sherbeti:
½ sheqer
½dcl ujë
1 lëng limoni
1 sheqer vanilje
Udhëzimet:
Uji vlon me një majë thike kripë dhe 1 lugë vaj. Largohet nga zjarri. Hidhet mielli i përzier me niseshte dhe pluhur paste. Përzihet mirë dhe prapë kthehet në zjarr që të fërgohet gjersa të ndahet nga luga dhe ena. Pasi të ftohet brumi, i hidhen vezët një nga një duke tundur mirë me mikser, gjersa të fitohet një brum i njëllojtë. Një litër vaj nxehet në tenxhere. Me brumin e përgatitur mbushet kaushi special me formë të dhëmbëzuar dhe nëpërmjet tij nxirren tullumbat drejtë në yndyrë të nxehtë. Hidhen pjesë pjesë duke i prerë me thikë në gjatësi prej afro 8cm dhe fërgohen nga të gjitha anët gjersa të zverdhet në ngjyrë ari.
Nëse skuqen shpejtë, ulet pak zjarri. Hiqen nga vaji me lugë të shpuar dhe futen drejt në sherbet të ftohur. Gjersa të fërgohen të dytat, të parat qëndrojnë në sherbet, pastaj largohen nga sherbeti, dhe palosen në një enë të thellë, e kështu veprohet gjersa të hargjohet i tërë brumi. Sherbeti që mbetet hidhet mbi tullumba, në mënyrë që ato të lagen plotësisht në sherbet.
