Tregimi i njeriut mendjemadh
Ebu Hurejra (Allahu qoftë i kënaqur me të!) transmeton se Pejgamberi ka thënë: “Teksa një njeri prej popujve që ishin para jush, i veshur me një palë rroba, po ecte me vetëpëlqim, me flokë të gjata e të krehura, Allahu e fundosi në tokë dhe vazhdon të fundoset deri në Ditën e Kiametit.”
Hadithi është i vërtetë, e shënojnë Buhariu dhe Muslimi.
Dobitë dhe mësimet që nxirren prej hadithit:
– Hadithi tregon se mëkati i mendjemadhësisë dhe vetëpëlqimit është mëkat që meriton dënimin në këtë botë para dënimit të botës tjetër.
– Që njeriu të vishet bukur është e lejuar, mirëpo teprimi në veshmbathje mund të ndikojë në mendjemadhësi dhe vetëpëlqim, andaj njeriu duhet të ketë kujdes.
– Dënimi i këtij njeriu ishte nga lloji i veprës, ai u tregua mendjemadh dhe nga mendjemadhësia sikur dëshironte të ngrihej mbi tokë, dënimi ishte fundosja në tokë, ashtu siç u fundos edhe Karuni nga populli i Musait, përshkak të mendjemadhësisë.
Ebu Is’hak el Huvejni
