Pas “Ok” të Turqisë për Suedi-Finlandë në NATO
Presidenti amerikan Joe Biden dhe homologu i tij turk Rexhep Tajip Erdogan do të diskutojnë shitjen e dhjetëra avionëve luftarakë F-16 për të modernizuar flotën turke, raporton Bloomberg.
Takimi i dy liderëve do të zhvillohet sot në Madrid, 24 orë pasi “Sulltani i Bosforit”, siç e cilësojnë disa media, dha “Ok” për anëtarësimin e Suedisë dhe Finlandës në NATO, duke e sjellë Aleancën e Atlantikut të Veriut një hap më afër forcimit të lindjes së saj me Rusinë.
Ky veprim duket se ka fituar mbështetjen e SHBA për Forcën Ajrore Turke, forca e dytë më e madhe ushtarake në Organizatën e Traktatit të Atlantikut të Veriut, tha agjencia.
“Departamenti i Mbrojtjes i SHBA-së mbështet plotësisht planet e modernizimit të Turqisë për flotën F-16,” u tha gazetarëve Ndihmës Sekretarja e Mbrojtjes, Celeste Ëalder.
“Këto plane janë në punë dhe duhet të zbatohen përmes procedurave të prokurimit, por Shtetet e Bashkuara mbështesin modernizimin e flotës së saj luftarake nga Turqia, sepse ky është kontributi për sigurinë e NATO-s dhe rrjedhimisht për sigurinë amerikane”, shtoi ai.
Më herët, Shtetet e Bashkuara dhe Turqia bllokuan çdo negociatë për kërkesat afatgjata, si avionët luftarakë F-16 në këmbim të lejimit të Suedisë dhe Finlandës për të filluar procesin e anëtarësimit në Aleancë.
Vendimi i liderit turk për t’i lejuar skandinavët të anëtarësohen në NATO hapi rrugën për një takim zyrtar me presidentin amerikan, sipas një zyrtari të lartë të qeverisë Biden.
Të dy krerët pritet të diskutojnë çështje të ndryshme, tha zyrtari amerikan në kushte anonimiteti, duke përfshirë kërkesat e gjata të mbrojtjes të Turqisë.
Erdogan tani po kërkon të përfitojë nga një atmosferë relativisht pozitive në marrëdhëniet e tij me NATO-n dhe Shtetet e Bashkuara pas një periudhe të marrëdhënieve të ngrira mbi blerjen e sistemeve të avancuara ruse të mbrojtjes ajrore nga qeveria e tij. /tesheshi.com/
