1) Ibn Abasi raporton se kur Profeti i Allahut (Paqja dhe bekimet e Allahut qofshin mbi të) erdhi në Medinë, ata paguanin një ose dy vite paraprakisht për fruta. Ai tha:
“Kushdo që paguan paraprakisht për diçka, duhet ta bëjë këtë për një sasi të specifikuar ose për një peshë të specifikuar dhe për një kohë të caktuar.”
Ibn Abasi raporton se kur i Dërguari i Allahut (Paqja dhe bekimet e Allahut qofshin mbi të) erdhi në Medinë dhe njerëzit paguanin paraprakisht (për fruta, etj.), ai u tha atyre:
“Kush bën një pagesë paraprake, nuk duhet ta bëjë këtë përveçse për një masë të specifikuar dhe një peshë të specifikuar.”
2) Ibn Umeri raporton se një person i dha para një tjetri paraprakisht për të blerë fruta hurmash (para se ato të prodhonin fruta). Atë vit, pemët nuk prodhuan fare fruta. Të dy e çuan mosmarrëveshjen e tyre te Profeti (Paqja dhe bekimet e Allahut qofshin mbi të), i cili i tha shitësit: “Për çfarë e ke bërë të lejuar për veten tënde pasurinë e tij? Ktheja paratë mbrapsht.” Pastaj ai tha: “Mos hyni në marrëveshje të parakohshme për frutat e hurmave derisa frutat të jenë qartësisht në gjendje të mirë.”
