“SHBA-ja kundërshton fuqishëm hapat e njëanshëm që dëmtojnë besimin mes palëve dhe që përshkallëzojnë tensionet duke minuar zbatimin gjeografik të zgjidhjes me dy shtete”, tha zëdhënësja Jean-Pierre
Lidhur me zgjerimin e vendbanimeve të paligjshme dhe legalizimet nga Izraeli për 9 vendbanimet në Bregun Perëndimor të pushtuar të cilat konsiderohen të paligjshme edhe sipas ligjit izraelit, SHBA-ja tha se kundërshton fuqimisht hapa të tillë që përshkallëzojnë tensionet, transmeton Anadolu.
Zëdhënësja e Shtëpisë së Bardhë, Karine Jean-Pierre, në një konferencë ditore për media tha se janë thellë të shqetësuar për vendimin e Izraelit për të ndërtuar mijëra vendbanime të reja në Bregun Perëndimor dhe për të njohur statusin ligjor për 9 vendbanime të cilat konsiderohen të paligjshme edhe sipas ligjit izraelit.
“SHBA-ja kundërshton fuqishëm hapat e njëanshëm që dëmtojnë besimin mes palëve dhe që përshkallëzojnë tensionet duke minuar zbatimin gjeografik të zgjidhjes me dy shtete”, deklaroi Jean-Pierre.
Pasi rikujtoi se edhe sekretari amerikan i Shtetit, Antony Blinken gjatë vizitës së tij që zhvilloi kohë më parë në rajon u ka bërë thirrje palëve për distancim nga veprimet që rrisin tensionet, Jean-Pierre tha se hapat që Izraeli ka ndërmarrë në Bregun Perëndimor minojnë zgjidhjen me dy shtete.
Ajo theksoi se SHBA-ja është kundër politikave të Izraelit për njësitë e vendbanimeve të paligjshme dhe se administrata e Joe Bidenit ruan qëndrimin e saj se rritja e vendbanimeve të paligjshme do të dëmtojnë paqen.
/aa/
