Kolona e përbërë nga rreth 50 automjete mbërriti në bazat amerikane në fushat e naftës Koniko dhe Al-Omar që gjenden në zonat e pushtuar nga organizata terroriste PKK/YPG në pjesën rurale të Deir ez-Zor
Eşref Musa, Mehmet Burak Karacaoğlu |15.08.2023 – Përdıtësım
Ushtria e SHBA-së dërgoi një kolonë përforcuese e përbërë nga rreth 50 automjete në bazat e saj në provincën Deir ez-Zor, provincë e cila është e pushtuar nga organizata terroriste PKK/YPG në Siri.
Sipas informacionit që Anadolu ka siguruar nga burimet lokale, kolona e forcave amerikane ka bërë dje hyrje në Hasakah nga pika kufitare Al Waleed mes Irakut dhe Sirisë.
Kolona e përbërë nga rreth 50 automjete mbërriti në bazat amerikane në fushat e naftës Koniko dhe Al-Omar që gjenden në zonat e pushtuar nga organizata terroriste PKK/YPG në pjesën rurale të Deir ez-Zor.
Automjete të armatosura mbrojtën autokolonën. Në autokolonë kishte automjete të blinduara, cisterna karburanti dhe shumë automjete të mbushura me municione.
Ushtria e SHBA-së kishte dërguar përforcime në bazat dhe pikat në vendbanimet Rmelan, Sheddadi dhe Tell Beyder në Hasakah të pushtuara nga organizata terroriste PKK/YPG edhe më 6, 8, 22, 25 janar, 19, 20 qershor dhe 11 korrik.
Prania e SHBA-së në Siri
Me fillimin e Operacionit “Burimi i Paqes” nga Türkiye në tetor 2019, SHBA-ja teksa evakuonte bazat e saj në zonën e operacionit i dha përparësi vendosjes rreth fushave të naftës.
Duke vazhduar mbështetjen e tyre për organizatën terroriste PKK/YPG, forcat amerikane janë aktualisht të pranishme në shumë baza dhe pika ushtarake në rajonet e pushtuara nga organizata terroriste në provincat Hasakah, Raqqa dhe Deir ez-Zor në Siri.
Washingtoni po dërgon vazhdimisht përforcime në bazat dhe pikat ushtarake të vendosura në fushat e naftës të pushtuara nga terroristët e PKK/YPG.
