Dita Ndërkombëtare e Prindërve sjell kujtime të dhimbshme për prindërit palestinezë, të cilët humbën fëmijët në sulmet e fundit izraelite në Gaza.
Yousef al-Masri dhe gruaja e tij, deri vonë prindër krenarë, ulen pranë dollapëve të fëmijëve të tyre Ibraheem, 11 vjeç dhe Marwan 7 vjeç, duke rregulluar rrobat e tyre dhe duke nuhatur uniformat e shkollës.
Nëna ende nuk mund të besojë se ajo humbi të dy djemtë e saj të dashur në sulmet izraelite më 10 maj.
Ata po luanin me të afërmit në fushat aty pranë ndërsa prisnin vaktet e shijshme që nëna e tyre përgatiste për ditën e 28-të të muajit të shenjtë të Ramazanit.
“Ne ende mendojmë se gjithçka që ka ndodhur është vetëm një ëndërr. Unë i shoh djemtë e mi gjatë gjithë kohës, duke pritur që ata të na bashkohen në tryezën e darkës,” tha Masri.
Ai tani ka vendosur të heqë rrobat e fëmijëve nga gruaja e tij, sepse vuajtjet e saj po rriten.
“Unë përpiqem të fsheh trishtimin tim, por nuk është e lehtë të shoh gruan time që vuan”, tha ai me hidhërim të thellë.
Përveç humbjes së djemve të tij, vëllai i Masri humbi djalin e tij Ahmad, 21 vjeç, i cili po përgatitej për martesë, vajzën Rahaf dhe fëmijën e vogël Yazan në sulmet izraelite.
Prindërit kujtojnë pafajshmërinë e fëmijëve të tyre dhe kohët më të lumtura kur ishin së bashku.
Nëna po bëhej gati të përgjigjej në kërkesat për lodra për Bajramin. Rrobat e reja që ajo solli t’u vishte në Bajram tani qëndrojnë varur.
Dhjetë palestinezë, përfshirë pesë fëmijë, u vranë në sulmin e parë ajror izraelit në Gaza.
Qeveria izraelite duhet të përgjigjet
Ky sulm nga ushtria izraelite ndaj familjes Masri nuk është i pari.
Në luftën e vitit 2014, forcat izraelite sulmuan dhe shkatërruan shtëpinë e tyre. Ata humbën të gjitha kujtimet, duke përfshirë edhe videot nga festimet. Më herët në vitin 2008, si dhe ndërsa jetonin në lindje të Bit Hanon, shtëpia e tyre u sulmua dhe shumë anëtarë të familjes u vranë ose u plagosën.
Masri tha se ai ende nuk është në gjendje të kuptojë emocionalisht se djemtë e tij nuk janë më.
“Mesazhi im për botën është që të ndalojë Izraelin të shpikë gënjeshtrat dhe mitet që ka krijuar për të vrarë fëmijët tanë,” shtoi ai.
Ai deklaroi se qeveria izraelite duhet të mbajë përgjegjësi për krimet e tmerrshme të vrasjes së fëmijëve të pafajshëm. /tesheshi.com/
