Partizani e Crvena Zvezda, shijojnë “vaktin hyjnor”
Kreu i muslimanëve në Serbi shtroi një iftar duke bërë bashkë ata që janë kundërshtarë në fushë, futbollistë të Crvena Zvezda-s dhe Partizanit të Beogradit. Fjala është për ata lojtarë të dy ekipeve të rivalitetit historik në Serbi, të cilët agjerojnë, pra janë muslimanë.
Iftari u shtrua në ambientet e Bashkësisë Islame të Serbisë dhe pati si mikëpritës kryetarin e saj, Myftiun Mustafa Jusufspahiç.
Në fakt, iftari u shtrua për të gjithë ata futbollistë muslimanë që luajnë në Superligën e Serbisë, ku pra veçuan ata të dy ekipeve më të njohura serbe, që të dyja të Beogradit.
Nga Partizani qenë Bibras Natho, ndërsa nga Crvena Zvezda qe El Fardou Ben, Sekou Sanogo dhe Axel Bakajoko. /tesheshi.com
