Përvoja e Samah Safi Bayazid me kompaninë e saj Light Art VR
Një regjisore dhe producente jordaneze po lufton stereotipet rreth muslimanëve me ndihmën e filmave mbi historinë islame në realitetit virtual.
“Ne jemi producentë dhe kineastë që prej më shumë se 10 vjetësh, por kurrë nuk kishim menduar se do t’i futeshim kësaj industrie derisa vizituam Disney-in,” tha Samah Safi Bayazid për Anadolu Agency (AA).
Bayazid është bashkëpronare i LightArt Media Productions dhe Light Art VR, një kompani që ajo e përshkruan si “për përvoja argëtuese islame në realitetit virtual”.
Ideja për filma në VR (realitetin virtual) rreth kulturës islame erdhi kur ajo dhe bashkëshorti i saj po vizitonin parkun e Disney-t. “Ne po argëtoheshim shumë,” tha ajo.
“Pse ne si muslimanë të mos kemi diçka argëtuese si kjo?” pyeti ajo.
“Po sikur të mund ta tregojmë historitë dhe trashëgiminë tonë dhe historinë islame në një mënyrë super argëtuese, duke përdorur teknologjinë më të avancuar?”
Bayazid tha se kompania e saj “ia ka arritur qëllimit për të argëtuar dhe edukuar njerëzit”.
Kompania prodhon filma në tetë gjuhë. Ka katër filma VR rreth trashëgimisë islame dhe do të prodhojë një të pestë dhe të gjashtë brenda vitit të ardhshëm.
“Kam punuar në këtë industri për më shumë se 12 vjet, dhe duke jetuar në SHBA shoh se mënyra se si gratë, veçanërisht gratë muslimane, përfaqësohen në media ndikon drejtpërdrejt në mënyrën se si trajtohemi dhe kjo ndonjëherë shkakton islamofobi,” shtoi ajo.
Bayazid përmendi rëndësinë e “tregimit të historive tona si producente dhe regjisore muslimane” dhe tha se ajo do të flasë për rëndësinë e tregimit të historive të personazheve muslimanë.
Së bashku me bashkëshortin e saj Muhamedin, Bayazid themeloi Light Art VR pesë vjet më parë. “Ne vendosëm të prodhojmë argëtim për audiencën muslimane në mbarë botën,” tha ajo.
Ata filluan të prodhonin filma me rezolucion 8k që ju kthejnë në kohë 1400 vjet më parë, për të dëshmuar historinë e Islamit.
Regjisorja me qendër në Uashington diskutoi gjithashtu reagimet e audiencës. “Pra, ne kemi plotësuar dy reagime të ndryshme sepse kemi audiencën tonë myslimane dhe jomuslimane.”
Audienca myslimane, tha ajo, “bërtisnin, qeshnin, qanin”, kur shikonin filmat e kompanisë.
Audienca jomuslimane pati reagime të ngjashme, por u befasuan kur mësuan fakte rreth kulturës myslimane që nuk i dinin derisa e panë filmin.
“Ne e bëmë projektin tonë në New York vetëm për të ndarë kulturën tonë islame,” tha ajo. “Ata e pëlqyen dhe thanë: ne nuk i dinim të gjitha këto informacione kaq informuese.”
“Për shembull, ata mendonin se Islami është fe e dhunës. Ata na thanë se përpara se të shikonin filma tanë në VR, mendonin se gratë janë qytetare të klasit të dytë në Islam e se kontrollohen nga burrat,” tha ajo.
“Është një nga arsyet për të edukuar njerëzit dhe për t’u treguar atyre për trashëgiminë dhe kulturën tonë islame, për të treguar historinë tonë dhe për narrativën tonë,” tha Bajazidi. “Sepse ne nuk do t’i lejojmë njerëzit e tjerë të tregojnë historinë tonë ashtu siç duan ata. Është detyra jonë ta tregojmë atë në mënyrën e duhur.” /tesheshi.com/
