Në mesin e dhjetëra mijëra protestuesve, ishin edhe deputetët palestinezë në Parlamentin e Izraelit, ndërsa protesta u organizuan në Umm al-Fahma, Haifa, Majd al-Kurumu dhe Galileji, si dhe në disa zonë të shkretëtirës Negev.
KUDS (AA) – Arabët kanë protestuar në disa qytetet të Izraelit në shenjë pakënaqësie për ligjin e sapomiratuar për “shtet kombëtar hebre”, me të cilin shtetasit të cilët nuk janë hebre, llogariten qytetarë të rendit të dytë, raporton Anadolu Agency (AA).
Protesta u organizuan në Umm al-Fahma, Haifa, Majd al-Kurumu dhe Galileji, si dhe në disa zonë të shkretëtirës Negev.
Në mesin e dhjetëra mijëra protestuesve, ishin edhe deputetët palestinezë në Parlamentin e Izraelit.
Demonstruesit mbanin në duar flamuj palestinezë, duke thënë se kanë një lidhshmëri me Palestinën dhe territorin e saj, për çka hodhën poshtë “ligjet raciste”.
Rikujtojmë se Izraeli po përballet me kritika të ashpra nga shkaku i vendimit të Parlamentit të tij i cili më 19 korrik miratoi ligjin e diskutueshëm me të cilin Izraeli definohet si shtet hebre.
Ligji më tej thotë se Kudsi, si një tërësi, është kryeqyteti i Izraelit dhe se hebraishtja është gjuha zyrtare e vendit, duke hequr arabishten nga përcaktimi i tij i mëparshëm si gjuhë zyrtare dhe duke e njohur “statusin e saj të veçantë”.
Ligji u miratua me një votim 62-55 në një seancë të zhurmshme të Parlamentit në të cilën ligjvënësit arabë e kritikuan atë që ata e quajtën “racizmi izraelit kundër pakicës arabe”.
Kryeministri izraelit, Benjamin Netanyahu, ka përshëndetur ligjin, duke e përshkruar kalimin e tij si një “moment përcaktues për sionizmin dhe Izraelin”.
Ekspertët dhe intelektualët palestinezë pohojnë se ligji në fjalë, shënon një epokë të re të spastrimit etnik të palestinezëve, dhe si i tillë ka rrezikuar të gjitha përpjekjet për negociata të mundshme për çështjen e Kudsit, si dhe procesin e paqes mes Palestinës dhe Izraelit.
