Politologu i mirënjohur francez dhe mbështetës i Gazës është arrestuar për “mbështetje të terrorizmit”, tha avokati i tij të martën.
Francois Burgat u arrestua në qytetin jugor të Aix-en-Provence për dyshimet se “mbështet terrorizmin”, tha avokati Rafik Chekkat për platformën X.
Organizata Hebraike Evropiane paraqiti një ankesë kundër një eksperti të botës arabe dhe islamofobisë, për shpërndarjen e një postimi në X më 2 janar, tha Chekkat për Anadolu.
“Burgat jep përgjigje të sinqerta dhe i referohet statusit të tij si studiues dhe librave që ka shkruar. Ai tha se është dëgjuar në Asamblenë Kombëtare, në Senat, Gjykatën Penale etj. Atij i janë bërë pyetje për konfliktin dhe ka pasur mundësi të bëjë një deklaratë”, ka shpjeguar avokati.
Burgat ka shprehur hapur mbështetjen e tij për Gazën në deklarata të ndryshme dhe tha se ka “pafundësisht më shumë respekt dhe vlerësim për liderin e Hamasit sesa për udhëheqësin e shtetit të Izraelit”.
Ai kritikoi gjithashtu qëndrimin e Francës ndaj Hamasit, duke e cilësuar atë si kapitullim ndaj politikave të Shteteve të Bashkuara të Amerikës dhe Izraelit.
/trt/
