Ish-ambasadori amerikan Jess Baily u takua me presidentin e Maqedonisë së Veriut Stevo Pendarovski në New York.
Diplomati me përvojë takohet zyrtarisht me një politikan të Maqedonisë për herë të parë në dy vjet e gjysmë pas largimit nga Maqedonia.
“Në New York, u takova me ish-ambasadorin amerikan në vendin tonë, Jess Baily. Biseduam për situatën aktuale në Maqedoninë e Veriut dhe zhvillimet në rajonin më të gjerë”, shkroi Pendarovski në Facebook.
Presidenti Pendarovski, i cili po merr pjesë në Asamblenë e Përgjithshme të OKB-së në New York, falënderoi Baily për mbështetjen e vazhdueshme që Maqedonia merr nga Shtetet e Bashkuara.
Baily luajti një rol kyç si Ambasador i SHBA në tejkalimin e krizës politike në Maqedoni para dhe pas zgjedhjeve parlamentare të vitit 2016, ndërsa u largua në mars të 2019./Telegrafi/
