YouTube ka rikthyer mijëra video të bllokuara të cilat dokumentojnë dhunën në Siri. Ato video ishin hequr “gabimisht” nga rrjeti pasi ishin konsideruar si të “papërshtatshme”.
Përmbajtja ishte kontrolluar nga një sistem automatik i dizajnuar për të identifikuar përmbajtjen ekstremiste.
Grupet që monitorojnë konfliktin në Siri thonë se video të tilla e dokumentojnë luftën dhe mund të përdoren për ndjekjen e kriminelëve të luftës.
YouTube pranoi gabimin, dhe tha se ishte “duke përmirësuar” mjetet për të identifikuar përmbajtje të papërshtatshme.
