Ahmad Abu Jneid, 21 vjeç, u plagos rëndë pasi u qëllua në kokë nga forcat izraelite gjatë një bastisjeje ushtarake në kampin e refugjatëve Balata në qytetin Nablus dhe më vonë iu nënshtrua plagëve të tij
Një i ri palestinez vdiq nga plagët që mori nga të shtënat e ushtrisë izraelite në Bregun Perëndimor të pushtuar, njoftoi Ministria e Shëndetësisë e Palestinës, transmeton Anadolu Agency (AA).
Ahmad Abu Jneid, 21 vjeç, u plagos rëndë sot herët pasi u qëllua në kokë nga forcat izraelite gjatë një bastisjeje ushtarake në kampin e refugjatëve Balata në qytetin Nablus dhe më vonë iu nënshtrua plagëve të tij, tha ministria në një deklaratë.
Forcat izraelite rrethuan një shtëpi brenda kampit gjatë bastisjes mes përleshjeve me banorët vendas, sipas dëshmitarëve okularë.
Ushtria izraelite shpesh kryen fushata të gjera arrestimi në Bregun Perëndimor të pushtuar dhe Kudsin Lindor me pretekstin e kapjes së palestinezëve të “kërkuar”.
