“Me Bismilah” – kështu nënkryetari dhe kandidati për deputet i Lëvizjes Besa në Maqedoni, Zeqirija Ibrahimi e ka komentuar një fotografi ku administratorët e kësaj Lëvizjeje shihen duke dorëzuar listat për deputetë në Këshillin Shtetëror Zgjedhor.
Tek shqiptarët e Maqedonisë përdorimi i zhargonit fetar më komunikimin e përditshëm është diçka mëse e natyrshme. Madje edhe figura politike “tejet laike” i kanë ato pjesë të fjalorit të tyre.
Sa për shembull, tek Ali Ahmeti kjo ndodh sa herë afrojnë zgjedhjet, ku nuk ngurron që në një çast t`i referohet edhe Kur’anit, ndonëse e shoqëron një linjë marksiste në gjithë protagonizmin e tij parapolitik dhe politik.
Ndërsa Zeqirija Ibrahimi, autori i “Bismilah”-it në statusin e tij, një ndër figurat qendrore të Besës, konsiderohet si një ndër njerëzit më të iluminuar në shoqërinë maqedonase. /tesheshi.com/
