Israel Hayom (“Israel Today”) raporton nga burime të larta diplomatike se bisedime intensive janë duke u zhvilluar midis Uashingtonit, Tel Avivit, Kajros dhe Rijadit për të mbledhur një samit të Kajros, i cili gjithashtu përfshin një takim midis kryeministrit izraelit Benjamin Netanyahu dhe Princit të Kurorës Saudite Mohammed bin Salman .
Gazeta deklaroi se samiti duhet të mbahet në javët e ardhshme, me përfaqësues nga Shtetet e Bashkuara, Izraeli dhe Arabia Saudite, si dhe udhëheqës nga Emiratet e Bashkuara Arabe, Sudani, Bahreini dhe Omani.
Zyrtarët e lartë arabë kanë njoftuar Israel Today se Sekretari i Shtetit Mike Pompeo dhe ekipi i tij kanë ndërmjetësuar midis Izraelit dhe Arabisë Saudite në muajt e fundit për samitin që do të mbahet.
Gazeta shton se Jordania ishte gjithashtu e ftuar të marrë pjesë, por që Mbreti Abdullah II nuk e kishte konfirmuar se kjo do të ndodhte.
Sipas një zyrtari të lartë, Mbreti i Jordanit dëshiron që Presidenti i Autoritetit Palestinez Mahmoud Abbas të marrë një ftesë për të marrë pjesë në samit dhe se Amani ka marrë mesazhe nga Uashingtoni duke thënë se bisedimet me Autoritetin Palestinez janë duke u zhvillar në këtë drejtim.
Po gazeta raporton se një zyrtar i shquar palestinez tha se udhëheqja palestineze aktualisht do t’i përmbahej bojkotit të Uashingtonit dhe do të ngrijë lidhjet diplomatike me Izraelin. /tesheshi.com/
