Kush ishte mjeshtri i publikimit të tyre në 1983?
Nga suksesi gazetaresk i shekullit deri te mashtrimi i shekullit: këto ishin “Ditarët e Hitlerit” të botuara në vitin 1983 nga revista gjermane Stern.
Tani publiku do të mund të shohë mashtrimin e krijuar nga Konrad Kouyau.
Stern bëri bujë duke publikuar pjesë nga… 60 vëllimet e ditarëve që supozohet se janë shkruar nga Hitleri. Dyshimet për autenticitetin e materialit ekzistonin që në fillim, por revista vazhdoi duke i shitur të drejtat edhe mediave të huaja.
Ditarët ishin plot me “zbulime” për problemet shëndetësore të Hitlerit dhe Eva Braun-it, madje edhe fjalë të mira për Stalinin që spastronte oficerët e tij.
Megjithatë, shumë shpejt analiza e letrës dhe bojës vërtetoi se ato nuk mund të ishin shkruar në vitet 1940. Dikush vuri re që Hitleri shkruante me laps, historianë të tjerë gjetën gabime dhe paqartësi.
Brenda një jave revista u detyrua të kërkonte falje poshtëruese.
“Ditarët” origjinalë ishin vepër e mashtruesit të vogël Kuyau, i cili më parë kishte falsifikuar relike nga epoka naziste. Ai u arrestua dhe u burgos për një kohë së bashku me gazetarin Gern Heidemann. Ai kishte prodhuar 60 vëllime në dy vjet.
Fletoret do t’i dorëzohen nga shtëpia botuese Bertelsmann Arkivit Kombëtar Gjerman për t’u ruajtur, raporton Guardian. /tesheshi.com/
