A. S (1993), nxënës i Shkollës së Mesme Teknike “Arkitekt Sinani” në Mitrovicë, ka mbetur i vdekur nga thika e shokut të klasës.
Lajmin e ka konfirmuar për “Epokën e re”, zëdhënësi i Policisë së Kosovës për Rajonin e Mitrovicës, Avni Zahiti. Ai ka bërë me dije se tashmë policia e ka arrestuar të dyshuarin. “Krejt çfarë mund të them se në Shkollën Teknike në Mitrovicë, është raportuar një incident. Dyshohet se nga përdorimi i thikës viktima ka ndërruar jetë”, ka thënë Zahiti, duke shtuar se Policia ende nuk i di motivet e vrasjes. /kohaislame
