Kancelari austriak, Sebastian Kurz, ka thënë se sulmet terroriste që kanë ndodhur në Vjenë, nuk janë mosmarrëveshje mes krishterëve dhe myslimanëve apo austriakëve dhe emigrantëve.
Ai në rrjetin social Twitter, ka shkruar se kjo ka të bëjë me luftën mes njerëzve që besojnë në paqe dhe atyre që duan luftë.
“Ne gjithmonë duhet të jemi të vetëdijshëm se kjo nuk është një mosmarrëveshje midis të krishterëve dhe myslimanëve ose midis austriakëve dhe emigrantëve. Kjo është një luftë midis shumë njerëzve që besojnë në paqe dhe atyre pak që duan luftë”, ka shkruar Kurz.
Në sulmet e së hënës deri më tani janë raportuar për pesë të vrarë, katër civilë dhe një terrorist.
