Prishtinë, më 29 mars 2024
Kryetari i Partisë Demokratike të Kosovës, z. Memli Krasniqi, shtroi sonte iftar për Myftiun Tërnava dhe bashkëpunëtorët e tij.
Në postimin e kryetarit Krasniqi në Facebook, ai përmendi vlerat që përfaqëson ky muaj, si durimi, solidariteti, respekti dhe uniteti.
“Sonte, kisha kënaqësinë të shtroj iftar për Myftiun Naim Tërrnava dhe bashkëpunëtorët e tij nga Bashkësia Islame e Kosovës, në shenjë nderimi dhe respekti për muajin e bekuar të Ramazanit.Vlerat që përfaqëson ky muaj, si durimi, solidariteti, respekti dhe uniteti, janë vlera të cilat duhet t’i çmojmë dhe për të cilat kemi shumë nevojë sot si individë e si shoqëri.”
Ai dha mesazhin për mbështetje të njëri-tjetrit në rrugë e punë të drejta e të frytshme.
Nga ana e tij, Myftiu Tërnava, falënderoi kryetarin Krasniqi për shtrimin e këtij iftari, duke shprehur kështu përkushtimin e tij dhe të institucionit që ai drejton për të bashkëpunuar për punë të mira e të mbara.
