Prishtinë, më 8 prill 2023
Kryeimami i Bashkësisë Islame të Kosovës, Vedat ef. Sahiti, ka marrë pjesë sot në tribunën fetare të organizuar nga Këshilli i Bashkësisë Islame të Shtimes.
Në këtë tribunë mori pjesë edhe kryetari i Komunës së Shtimes, z. Qemajl Aliu, kryesuesi i asamblesë komunale, drejtues të institucioneve komunale, si dhe shumë qytetarët të Shtimes.
Fillimisht këtë tubim e përshëndeti kryetari i Këshillit të BI-së së Shtimes, Skender ef. Baftiu.
Kryeimami Sahiti mbajti një ligjeratë kushtuar Ramazanit dhe shpalljes hyjnore. Ai foli rreth të mirave dhe begative që sjellë muaji Ramazan.
Tribuna u shoqërua me këndimin e pjesëve nga Kurani dhe ilahive, të cilat u interpretuan nga Avdush ef. Krosa dhe Armend ef. Beqiri.
