Irani dhe Rusia janë aleatët më të afërt të regjimit të Damaskut dhe i cilësojnë të gjithë kundërshtarët e regjimit si terroristë.
Shefat e ushtrive ruse dhe iraniane zhvilluan një bisedë telefonike për çështjen e sulmeve amerikane në Siri duke shprehur angazhimin e tyre për të vazhduar luftën kundër terroristëve dhe mbështetësve të tyre, njoftoi media iraniane.
Gjenerali, Mohammad Bagheri dhe gjenerali, Valery Gerasimov dënuan operacionin amerikan kundër një baze ajrore siriane duke e cilësuar si agresion kundër një vendi të pavarur”, theksoi agjencia zyrtare e lajmeve “Irna”.
“Sulmet ajrore amerikane parashikonin të ngadalësonin fitoret e ushtrisë siriane dhe aleatëve të saj për të forcuar grupet terroriste”, theksuan ata në një komunikatë.
“Dy zyrtarët shprehën vullnetin e tyre për të vazhduar bashkëpunimin e tyre ushtarak në mbështetje të presidentit, Beshar Esad deri në dështimin e plotë të terroristëve dhe të atyre që i mbështesin”, sipas agjencisë së lajmeve “Mehr”.
Irani dhe Rusia janë aleatët më të afërt të regjimit të Damaskut dhe i cilësojnë të gjithë kundërshtarët e regjimit si terroristë.
