Shkencëtarët thanë se konsumi i madh i alkoolit, veçanërisht në moshën e mesme dhe të hershme, mund të shkaktojë probleme serioze muskulore
Shkencëtarët kanë zbuluar se njerëzit që konsumojnë sasi të mëdha alkooli kanë më pak masë muskulore në vitet e pleqërisë, transmeton Anadolu.
Sipas lajmit në faqen “Medical News”, studiuesit nga Universiteti “East Anglia” në Britani skanuan informacionet e rreth 200 mijë personave të moshës 37 deri në 73 vjeç nga Biobank në vend, për të ekzaminuar efektin e konsumit të alkoolit në masën muskulore.
Në hulumtim u përfshinë të dhënat e personave me madhësi të ngjashme trupore ndërsa iu kushtua vëmendje afërsisë së niveleve të aktivitetit të tyre fizik dhe normave të konsumit të proteinave.
Në studimin, i cili ndoqi lidhjen midis masës muskulore që njerëzit kanë në përpjesëtim me madhësinë e trupit të tyre dhe konsumit të tyre të alkoolit, thuhet se veçanërisht te personat e moshës 50 deri në 60 vjeç, ata që konsumonin alkool kishin më pak masë muskulore skeletore në krahasim me ata që konsumonin më pak alkool.
Ndër pjesëmarrësit u zbulua se ata që konsumonin një shishe verë dhe më shumë në ditë kishin masën më të vogël të muskujve.
Shkencëtarët thanë se konsumi i madh i alkoolit, veçanërisht në moshën e mesme dhe të hershme, mund të shkaktojë probleme serioze muskulore. Sipas tyre, konsumi i alkoolit duhet të reduktohet ndjeshëm në këto mosha.
Studimi u botua në revistën “Calcified Tissue International”.
