Kryeministri Zoran Zaev nesër do të realizojë takim me kryetarin e Lëvizjes BESA, Bilall Kasami, njoftojnë ekskluzivisht për Gazetën Lajm burime partiake. Takimi vjen në kohën kur janë kthyer turbulencat në skenën politike në Maqedoni, pasi Prokuroria Speciale Publike vendosi te ngrejë padi dhe të kërkojë arrest për funksionarë të lartë të VMRO-DPMNE-së dhe partnerëve të saj, BDI dhe PDSH. Zaev ka gjasa të kërkojë sërish mbështetje nga Lëvizja Besa për shumicën parlamentare, sepse VMRO-DPMNE ka filluar ta shantazhojë këtë shumicë, përmes eksponentëve të kapur që ka në BDI, te Aleanca por edhe te disa parti më të vogla. Në takimin me kryeministrin, Kasami do të shoqërohet edhe nga deputetët Afrim Gashi dhe Fadil Zendeli.
