Presidenti nigerian Olusegun Obasanxho, pas samitit të G8 në Okinava në vitin 2000, deklaroi: “E gjithë ajo që kishim marrë hua deri në vitin 1985 ishte rreth 5 miliard dollarë, dhe ne kemi paguar rreth 16 miliard dollarë interes, por, ende po na thuhet se kemi borxh rreth 28 miliard dollarë. Ky 28 miliard erdhi për shkak të padrejtësisë në normat e interesit të kreditorëve të huaj. Nëse më pyetni se cila është gjëja më e keqe në botë, unë do të ju them se është kamata e përbërë.”
Duket e pabesueshme, por, për fat të keq, është tipike. Vendet në zhvillim fillojnë me kredi relativisht të vogla dhe mbeten të ngarkuara me shuma të mëdha borxhi në rritje, për breza.
Mbani mend, kjo mund të jetë Nigeria, ose cilido vend tjetër i varfër. Për të dhënë vetëm një shembull tjetër; gjatë viteve që çuan në kolapsin e Azisë në vitin 1997, borxhi i jashtëm i Indonezisë si përqindje e prodhimit të brendshëm bruto ishte mbi 60%.
Nga Rijad Misini
