Kryesia e Shkëndijës sot ishte në një moment shumë të vështirë, lirisht mundë të themi sot mund të ndodhte linçimi i tyre, ndërsa këtë më së miri mundë ta shohim në videon në vazhdim, kur arrijnë që të kapin njërin nga kryesia e Shkëndijës dhe fillojnë goditjet me grushte dhe shqelma, ndërsa në këtë rast nuk intervenon sigurimi, ndërsa organet e MPB-s, ishin shumë afër dhe mezi se larguan personat që shihen qartë kush janë ata që sulmuan, transmeton Portalb.mk
Incidenti ndodhi në minutën e 39-të të takimit, pas golit të barazimit që e shënoi Armend Alimi, i cili gol egërsoi tifozët e Vardarit, të cilët nuk janë përmbajtur dhe kanë sulmuar fizikisht përfaqësuesit e skuadrës tetovare. Në sulmin fizik, disa nga anëtarët e kryesisë së Shkëndijës janë goditur dhe kanë marrë lëndime të lehta trupore, ndërsa janë detyruar ta lëshojnë tribunën nën përcjellje të forcave të sigurisë.
